Hejmara cotmeh-sermawezê ya dilopê derket

Hejmara nû ya kovara dilopê derket! Kovara çand û hunerê ku bi kurdî û tirkî weşanê dike, bi boneya 50 saliya nivîskariya wî di bergê hejmara xwe ya nû de cî daye Mehmet Bayrak û dosyeya hejmara nû jî bo wî veqetandiye. Weke tê zanîn Bayrak, bi kulliyata xwe ya li ser elewî-qizilbaşan kariye ‘bîrek’e tarîxî pêk bîne. Aydın Çubukçu, Faik Bulut, Erdoğan Aydın, Selim Temo û Nevzat Onaran li ser wî û xebatên wî nivîsandine di dosyeya kovarê de. 

Di vê hejmarê de hevpeyvînên balkêş hene. Faik Bulut di hevpeyvîna xwe de gotegotên li ser çareserkirina kêşeya kurd rave dike. Prof. Dr. Hamit Bozarslan jî ji bo vegotina qirkirina 37-38an a Dêrsimê nîqaşeke metadolojîk bi rê ve dibe.

Recep Maraşlıyê nivîskarê berdewam ê kovarê, di vê hejmarê de hin nêzîkahiyên İsmail Beşikçi rexne dike, di warê têkiliya zimanan de îşaret bi hûrgiliyên balkêş jî dike.  

Di vê hemara dilopê de Rohat Alakom serpêhatiya Kubara Xudoya dengbêj a yek ji kurdên Sovyetê vedibêje, Yüksel Genç jî meseleya penaberiyê di konteksta bajarên Kurdistanê de rave dike, tespîtên muhîm radigihîne.

Weke her hejmarê, di vê hejmarê de jî helbest, makale, çîrok û şîroveya wêneyan hene. Yaqûb Kurmanc, Ferid Demirel, Fewzî Bîlge, Mesut Alp, Ayhan Erkmen, Diljen Felat, Zelal Sarı, Ozan Serhedî ew kes in ku hejmara dawî dewlemendtir kirine.

dilop, li hin kitêbfiroşan peyde dibe û ligel wê jî liv an malperan tê peydekirin: emekkitap.com, babil.com, odakitap.com, eganba.com 

Pêwendî:

twitter: @kovaradilop / instagram: kovaradilop / facebook: @kovaradilop / web: kovaradilop.net / 

e-mail: dilopdergisi@gmail.com

İlginizi çekebilir