DEDEF u ADEF: Zonê maa ma çêverê weşiya mao

21ê gucige roza zonê ma u piya Dina (enternasyonale) Zonê maa ma çêverê weşiya mao.

Federasyonê komelunê Dêsımi (DEDEF), Federasyonê Dêsımiyê Avrupayê Demokratiki (ADEF) verocoy ki veng day bı ke mektevu de Kırmancki (Zazaki) jê dersa weçinitiye bêro weçınitene.

Kırmancki(Zazaki) hetê Birleşmiş Milletler Eğitim Bilim ve Kültür Örgütü ra (UNESCO) ceriyay bi ‘zonê ke bınê taluke de rê’. DEDEF ve ADEF ra vasti bı ke serva mektabu de wendise Kırmancki (Zazaki) seferberliğeni deset pê kerê.

Eve vesileya 21ê gucige roza zonê ma u piya enternasyonale ave berdena zonê maa ma Kırmanki (Zazaki) , serva wertê qomi de bınge guretena zoni sıftê komelunê Dêsımı rê u mıletê ma rê bara de gırane bare bena.

“Zone mae, zono ke çeo ke tedê amo dına, merdemê ke hetê goni ra piyayo inê ra mısaye, zono ke fel u emelê xo u wastışê xo zelal qesey keno uyo.” Yane vame ke cao ke kamiya isoni pêda bêna u en rındek qesey bena, mısaena malumat dayene u guretene salığ dame.

“Zon çıyo dı wayirê quweta pesanayeno, ısoni evê zoni dina teveri fam kenê, xo doskenê, destabera xo vezenê meydan. Evê na vatis zonê mae wendıs hondaye ke hetê hurenayisê teknigê wendisi u hezetunê wendısi niyo mesela dı muhıma. Metkebu de zonê mae ra qeder zewna zu zon di wendene, yanki zono ğeriv de wendene televu sero xırav tesır keno. Na seveta ra emegdarê zoniyê yê dina zone mae de wendisi jê mesela isoniye mudafa kenê. 21 Guzige hetê Mıletê Seresteyi ra evê verê feki ardena UNESCO yi ra jê zonê ma u piyê dina qewul biya u eve na kar vajino ke muheminiya zone mae de wendene u domonê ke bêsenêkenê zonê maa xo de bıwanê çetıniya na hali bêro zonayene.”

UNESCO yi ra gore dına sero 7097 zoni estê u domoni evê zonunê jêdeyani bênê pil. Komelê Pile Mıletê Seresteyi dı 18 Ğağan 1992 dı evê qerarê 47/135 neşirbiyaye u hetê Tırkiya ra ki tesdıq kerdaye, bildiriye Mıletê seresteyi ya ki heqa naye ke wayirê Etniq İtiqat u Zoni yê na bildiri de dewletan kena bine bari, zonê mae de wendisi heqe vinena u zonê mae de wendis dayene ki kena barê vileyi.

Bê qıymet vinitena zonê maye domonan de hetê kamiye u kesiye ra u xoser biyayisi ra kemiye pêda kena u têdust ra nêbiyaene ki kena xori. Zonê mae ana zu het u barê biyaye jêdenena. Eve na biyaye newe fıkıriyayis u quweta xeyali kena gırs u qayım. Na maven de zewna zon de wendis vinitena zuyi waxtê wendişi de çetıniye vezena u tedust ra nêbiyayis pêda kena.

Na sevete ra zonê maa mao ke taluke vınd biyaene de ro, qarşiye ave berdena zonê xo serê butu karu de vinitene u amayis resnayene derime.

Vengdayisê mao vırên ra gore Mısnayena- mısayena 2021-2022 de , barê vıle mao ke weçınıtısê dersan de evê xo yani eve elektronik muracate komele mısnayene kerime u zonê xo Kırmançki(Zazaki) weçiınıme u vebela zonê xo biyarımê hurendi.

Mevaze ke derse ranêbena, malım tayın nêbêno. ma ve domonunê xo ra ke a dersê çınite we gune mektev i malimi bivino u biyaro. Kerdena na kari heqa maa demokratika. Xo virra mekerime ke zonê mae pêsaneyena kamiya ma de en çiyo muhım o. bara Dêsımiji, dostê Dêsımizu u komele Dêsımizu awa ke wertê kerdena na kari ra gore plano de mınasıv de bıbê.

Na mesele ra gore evê seferberlığeniya xo ver estene zonê maa xo rê wayir bıvejime. Zonê maa ma çêverê weşiya mao.

Federasyonê Komelunê Dêsımi. (DEDEF)

Federasyonê Komelê Dêsimiyê Demokratiyê Avrupayi. (ADEF)

İlginizi çekebilir